Mbledhja e Këshillit Bashkiak të Shkodrës nisi me 1 minut heshtje në shenjë solidariteti për ngjarjen e rëndë të ndodhur në Shkodër më 28 tetor, ku si pasojë e një atentati mafioz humbën jetën 4 persona.
Viktima në ngjarjen e rëndë mbetën Hamza Lici, Arlind Bushati, Bashkim Basha dhe Flutura Basha.
Këshilltarja e PD Glorja Shllaku propozoi 1 minut heshtje në fillim të kësaj mbledhje që kreu i këshillit Oltion Luli e pranoi duke ftuar këshilltarët që të respektojnë këtë kërkesë, raporton gazetari Senad Nikshiqi.
Bashkim Basha dhe Flutura Basha humbën jetën pasi u goditën nga automjeti ku udhëtonin Hamza Lici dhe Arlind Bushati, të cilët ishin shënjestra e atentatit me armë zjarri.
Flutura Basha humbi jetën në vendin e ngjarjes, ndërsa bashkëshorti i saj, Bashkimi, disa ditë më pas në spitalin Rajonal të Shkodrës, ku ishte shtruar në gjendje të rëndë shëndetësore. Hamza Lici, i cili ishte në rolin e drejtuesit të automjetit që u godit nga breshëria e plumbave, humbi jetën në vendngjarje, ndërsa Bushati disa orë më pas në spital, pasi ishte goditur me plumb në kokë.
and then