Ilir Meta, lideri i Partisë së Lirisë, ka dërguar një video-mesazh nga burgu, duke akuzuar qeverinë për abuzime në Durrës dhe duke kërkuar nga qytetarët që të votojnë numrin 1, Koalicionin për Shqipërinë Madhështore. Në mesazhin e tij, Meta theksoi se Durrësi ka qenë qyteti më i vjedhur nga Rilindja, duke përmendur se pasojat e tërmetit ende nuk janë trajtuar dhe se ka tentativë për të grabitur Portin e Durrësit, një prej elementeve më të rëndësishëm historikë dhe ekonomikë të qytetit. Ai akuzoi gjithashtu kryeministrin Edi Rama për “dëshirën për pak Kadastër”, duke theksuar rëndësinë e Kadastrës së Durrësit dhe Vlorës.
Meta tha se qeveria ka mbyllur gjykatat në Durrës dhe u kërkoi qytetarëve që të mbështesin numrin 1 për të kthyer Durrësin në një qytet me zhvillim ekonomik, duke premtuar uljen e taksave dhe krijimin e një ekonomie prodhuese dhe eksportuese. Ai po ashtu theksoi se Adriatik Hoxha, kandidati i koalicionit për parlament, do të mbrojë interesat e qytetarëve të Durrësit dhe Krujës. Meta përfundoi duke thënë se Durrësi meriton të jetë i pari dhe jo të vidhet i pari.
Kreu i Partisë së Lirisë Ilir Meta me video mesazh: Durrësi është qyteti më i vjedhur nga Rilindja. Pasojat e tërmetit ende nuk janë rregulluar dhe luhet në mënyrë selektive me fatkeqësinë. Po tentohet të grabitet Porti mijëra vjeçar i Durrësit. Qytetarët të votojnë numrin një, Koalicionin për Shqipërinë Madhështore. Votoni numrin një që Durrësi të kthehet në një qytet tepër të rëndësishëm ekonomik. Nafta në Durrës është më shtrenjtë edhe se në Prishtinë, edhe pse vjen nga porti.
Do të ulim taksat, që do shtojnë të ardhurat e qytetarëve dhe bizneseve. Ne do të sjellim një ekonomi prodhuese dhe eksportuese. Edi Rama vdes për pak Kadastër dhe Kadastra e Durrësit dhe e Vlorës është me shumë vlerë. Rama ka mbyllur gjykatat në Durrës. Adriatik Hoxha, deputeti i ardhshëm në parlament do jetë në mbrojtje të interesave të qytetarëve të Durrësit, Krujës. Durrësi meriton të jetë i pari dhe jo të vidhet i pari.
(Arena e Lajmit)
and then