Adriatik Lapaj, drejtuesi i Nismës Shqipëria Bëhet, nga Korça ka theksuar angazhimin e tij për një transformim të thellë të Shqipërisë gjatë një takimi në Korçë.
Ai ka shpjeguar se kjo nuk është një betejë për karrierë personale, por një përpjekje për të përballuar sfidat dhe për të ndihmuar në ndërtimin e një Shqipërie demokratike. Lapaj kërkoi miratimin e ligjit për referendume dhe depolitizimin e administratës publike, duke e konsideruar si një domosdoshmëri për të siguruar që populli të ketë fjalën e fundit.
Ai gjithashtu bëri thirrje për rritjen e buxhetit për arsimin në 7% të PBB-së, si një masë për të përmirësuar sistemin arsimor në vend.
Adriatik Lapaj: Të nisë transformimi i Republikës. Kjo nuk është betejë për karrierë, ne nuk zgjodhëm të lëpihemi për të ecur përpara. Ne zgjodhëm të përballemi. Atdheu ka nevojë dhe duhet ta bëjmë Shqipërinë demokratike. Ne e çuam përpara votën e diasporës. Na duhet ligji për referendumet, që populli të thotë fjalën e fundit. Duhet të depolitizojmë administratën publike. Del njëri e thotë bufi e se çfarë lidhje ka me hallet e njerëzve, Zoti i faltë. Programi i këtyre është bufi, miu, macja, timoni, qukapiku, por nuk thonë asgjë për hallet e njerëzve. Ne do ta çojmë burxhetin për arsimin në 7 përqind të PPB-së. Korrupsioni duhet luftuar nga ata që janë në krye të shtetit. Do ketë after school. Populli duhet të qëndrojë këtu, ne duam të ndërtojmë një popull të pasur. Nuk do taksohet askush se bën 2-3 punë. Taksa do jetë fikse 10 përqind, që qytetarët mos detyrohen të mos deklarojnë pagën reale.
(Arena e Lajmit)
and then