Një ngjarje e rëndë në familje është parandaluar në kohë nga shërbimet e Policisë së Korçës, të cilat kanë reaguar me shpejtësi pas një njoftimi për një rast të dhunës në familje në lagjen nr. 11 të qytetit.
Sipas njoftimit zyrtar, një 64-vjeçar me inicialet A. L., banues në Korçë, është arrestuar në flagrancë pasi dyshohet se ka kanosur disa herë bashkëshorten e tij me thikë, për motive të dobëta. Policia ka ndërhyrë menjëherë duke parandaluar një ngjarje të mundshme me pasoja të rënda.
Gjatë kontrollit, efektivët e Policisë kanë gjetur dhe sekuestruar mjetin prerës që dyshohet se është përdorur për kanosjen.
Materialet në lidhje me këtë rast i janë referuar Prokurorisë pranë Gjykatës së Shkallës së Parë të Juridiksionit të Përgjithshëm në Korçë, për veprime të mëtejshme ligjore ndaj të arrestuarit, i cili do të përballet me akuzën për kanosje në familje.
and then