PD bisedime për daljen me një kandidat në zgjedhjet lokale, Noka: Koha për të reflektim, s’është kurrë vonë! Tani të tërheqin padinë

Partia Demokratike, zhvillon sot bisedime me aleatë jo parlamentare për daljen me një kandidat në zgjedhjet lokale.

Deputeti i PD Flamur Noka, në një komunikim për mediat tha se PD duhet të jetë e bashkuar dhe se bashkëpunimi është në interes të demokratëve.

“Koha për të reflektim nuk është kurrë vonë. I falënderoj. Tërheqja e padisë i jep sinjal demokratëve që jemi bashkë për një qëllim. Por sigurisht, ka kohë gjithmonë”, kështu është shprehur Flamur Noka.

Pjesë nga intervista:

“Prej kohësh kemi bërë thirrje për të gjithë faktorët opozitarë që duan të mundin regjimin të bëhen bashkë. Shpresojmë që të ecë mbarë gjithçka. Edhe grupi i Alibeajt duam ta kenë seriozisht. Ne kemi qenë të hapur të bashkërendojmë agjendën kundër këtij regjimi. Dëshirojmë që agjenda e çdo demokratik, deputetet apo jo, të jetë e unifikuar me agjendën e PD kundër këtij regjimi. Mirëpresim kontributin e çdokujt”, tha Noka.

Jeni i gatshëm të uleni me deputetë të PD?

Noka: Unë i kam shkuar në tavolinë Alibeajt dhe i kam thënë që pavarësisht divergjencave, interesi i demokratëve na detyron të ulemi për t’i dhënë një zgjidhje. Ditën e enjte I kam shkuar në tavolinë Alibeajt.

Keni marrë përgjigje?

Noka: Sigurisht që mora refuzim.

Nis procesi i bashkimi nga tërheqja  padisë?

Noka: Tërheqja e padisë është rruga e qartë për bashkimin e demokratë

Kujtojmë se sot pas ftesës së Berishës për të dalë me një kandidat për zgjedhjet lokale, erdhi dhe një reagim pozitiv nga grupi i Alibeajt që pohoi se ishin të gatshëm për të diskutuar për të dalë me kandidatë të përbashkët, në interes të PD dhe opozitës, kundër qeverisë Rama.