Tashmë është zyrtare, Egnatia ka prezantuar blerjen e saj më të re, Jurgen Goxhën.
Ashtu siç e kishte paralajmëruar “Panorama Sport”, klubi rrogozhinas ka afruar ish-mbrojtësin e Tiranës, i cili vjen pas eksperiencës së fundit në Azerbajxhan me fanellën e skuadrës së Sabailit.
29-vjeçari ka firmosur një kontratë 3-vjeçare teksa do ta mbajë të lidhur në Rrogozhinë për të paktën deri në vitin 2025.
Më parë, Jurgen Goxha ka qenë pjesë edhe e skuadrave të Gabalës, Bylisit, Erzenit, Shënkollit, Besëlidhjes dhe Ilirisë.
KOMUNIKATA ZYRTARE E KLUBIT TË EGNATIAS –
“Njoftim
✍️ Klub Futboll Egnatia njofton se ka arritur të nënshkruaj kontratë me qendërmbrojtësin Jurgen Goxha.
I cili rikthehet të luaj në Abissnet Superliga pas dy sezonesh në Azerbaijan me skuadra si Sabail e Gabala.
Goxha do të jetë pjesë e Egnatias për 3 sezone.
Skeda:
Emri: Jurgen
Mbiemri: Goxha
Ditelindja: 29/ 12/ 1992
Karriera: Iliria, Erzeni,Beselidhja, Shenkolli, Bylis, Tirana, Gabala, Sabail.”
– Arena e Lajmit