Daniel Pasarela, një nga legjendat e futbollit argjentinas, është shumë larg kohës së tij të lavdishme. Sot në moshën 69-vjeçare, ish-mbrojtësi i Fiorentinës dhe i Interit, është prekur nga një sëmundje neurodegjenerative e ngjashme me sklerozën, që e bën të humbasë orientimin në kohë dhe në hapësirë.
Fatkeqësisht për kapitenin e Argjentinës, që e udhëhoqi kombëtaren bardhekaltër drejt triumfit në Kupën e Botës së 1978-ës dhe 1986-ës, sëmundja përshpejtohet me rritje të frikshme, aq sa përveç problemeve fizike, ai nuk mundet të lërë shtëpinë vetëm dhe mbi të gjitha me makinë, pasi rrezikon të mos kujtojë më rrugën e kthimit.
Sot Pasarela është i detyruar të qëndrojë në shtëpi, jo vetëm larg jetës së mëparshme dhe bashkëlojtarëve të tij, por edhe larg stadiumeve, të cilat kanë qenë vendndodhja e tij e zakonshme. Pasi vari këpucët në gozhdë ka provuar të bëjë edhe trajnerit duke drejtuar skuadra prestigjioze si Parma, Korinthias e River Plejti.
Arena e Lajmit