Kryeministri Edi Rama në takimin e zhvilluar ditën e sotme në Fier foli edhe për protestën e pedagogëve.
Rama theksoi se pagat e pedagogëve janë rritur, duke shtuar se në protestë janë një pakicë e tyre të dalë nga foltorja.
“Askujt nuk i janë rritur pagat sa i janë rritur pedagogëve, e çfarë duan ata. Kërkojnë sërish. Por fatmirësisht nuk janë të gjithë. Pasi këta janë një pakicë në drejtimin e një figure të SHIK që e thotë edhe me krenari.
Dhe është një grup, një turmë që nga foltorja që del në dyert e universiteteve sikur brenda bëhet nami. Natyrisht që rritja e pagave nuk është e mjaftueshme, por le ta themi të vërtetën ne kemi inflacionin më të ulët”, tha Rama.