Kampionati rumun ka luajtur sot ndeshjet e javës së tretë duke dhuruar një sfidë shumë interesante mes Voluntari dhe UTA Arad, me futbollistë shqiptarë në të dy skuadrat. Sfida është mbyllur me shifrat 3-0 për ekipin e Voluntari, ku protagonist u bë pikërisht një futbollsti i cili në të kaluarën ka qenë rregullisht pjesë e kuqezinjve.
Në sfidën e sotme, Batha dhe Hoxhallari e nisnin titullarë te UTA. Por ata nuk mund të bënin dot asgjë ndaj sulmeve të kundërshtarëve të cilët gjetën dy herë rrjetën në minutat 39 dhe 42. Batha la fushën e lojës në pushim të ndeshjes, ndërsa në radhët e ekipit vendas, në minutën e 83-të hyri në fushë Naser Aliji.
Këtij të fundit, iu deshën vetëm 2 minuta për t’u bërë protagonist, pasi dha asistin për golin e tretë të shënuar nga Florea, duke vulosur fitoren 3-0 të Voluntari i cili po tregon se ka nisur këtë kampionat me pretendime serioze për një vend në kupat e Europës.
Arena e Lajmit
and then