Mbrojtësi Kristi Marku, i cili sezonin e fundit ishte pjesë e Kukësit, u largua nga verilindorët pa lënë shumë gjurmë, teksa së fundmi është transferuar te skuadra e Buzaut në Ligën e Dytë rumune.
27-vjeçari nga Durrësi gjeti rrugën e rrjetës në miqësoren që skuadra e tij zhvilloi ditën e djeshme ndaj Unirea Konstanta. Ndeshja përfundoi me rezultatin 2-2. Një nisje e mbarë kjo për Markun, i cili kërkon të shndërrohet në protagonist te skuadra e tij e re.
Golin e Markut e ka shpërndarë në rrjetin social “Instagram”, Enriko Papa, që e ka uruar për golin e parë me ekipin e ri, shokun e tij.
Arena e Lajmit