Në Komisionin e Sigurisë deputeti i PD Ervin Salianji nuk i ka kursyer kritikat ndaj qeverisë Rama, teksa komentoi për rendin dhe sigurinë në vend.
Ai është shprehur kritik edhe ndaj kreut të AMP, Ardi Veliu, duke shtuar se kur ishte drejtor i Policisë së Shtetit tha se Klodian Rasha kishte armë me vete, duke shtuar se qytetarët nuk mund të kenë besim tek ai.
“Ju thatë që AMP ka 3 % të buxhetit, megjithëse për ne nuk janë pak aq. Se ç’besim mund të keni te një njeri që edhe letrën e dorëheqjes e bën me 100 gabime ortografike nuk e kuptoj. Se si mund të ketë besim populli te një njeri që dilte e thoshte për vrasjen e Klodian Rashës se ky i fundit kishte armë me vete, ketë nuk e di unë. Vdekjet, vrasjet e aksidentet nuk janë çështje shifrash. Nuk mund të shkohet me këto. Po qytetarët që përballen nëpër zona me hajdutë e grabitës që u rrezikojnë edhe jetën. Ne themi që më mirë letër e AMP-së t’i marrin policët e thjeshtë”, u shpreh Salianji.
Arena e Lajmit
and then