Mesfushori i Interit, Marselo Brozoviç mungoi në ndeshjen e fundit miqësore që zikaltërit zhvilluan ndaj Viçenzas për shkak të një dëmtimi i cili bëri që vendin e titullarit në mesfushën e zikaltërve ta merrte Kristjan Asllani. Por duket se dëmtimi I kroatit nuk duket të jetë shqetësues dhe pritet që ai të rikthehet në formacion javën e ardhshme ndaj Leçes në kampionat.
Sipas raportimeve nga “La Gazzetta dello Sport”, stafi mjekësor i Interi e ka vlerësuar gjendjen fizike të kroatit dhe ka vendosur se dëmtimi i pësuar nga ana e tij është shkaktuar thjesht nga një lodhje fizike.
Në këto kushte me Brozoviç titullar pritet që mesfushori i Kombëtares të ketë minuta në pjesën e dytë të sfidës për të bërë debutimin e tij me fanellën e Interit në Serinë A.
Arena e Lajmit
and then