Të paktën 10 persona mbetën të vrarë pas të shtënave në Monterey gjatë festimeve për Vitin e Ri Kinez.
Mijëra qytetarë ishin mbledhur për festivalin e Vitit të Ri Hënor në Monterey Park.
Autoritetet kanë publikuar fotot të autorit dhe janë vënë në kërkim të tij.
Departamenti i Sherifit të Los Anxhelosit bëri me dije se autori është një burrë aziatik dhe se i dyshuari ishte i veshur me një xhaketë lëkure të zezë dhe syze.
Autori mendohet të jetë i armatosur dhe në çdo moment mund të paraqesë rrezik, paralajmërojnë autoritetet.
Sakaq mediat e huaja kanë publikuar pamjet të një momenti kur dy autoblinda policie, makinë dhe një helikopter kanë bllokuar një fugon të bardhë që besohet të ketë lidhje me të dyshuarin kryesor të masakrës.
Hetuesit po përpiqen të gjurmojnë furgonin me mallra, pasi u pa në zonën e incidentit.
