Sulmuesi Devid de Silva nuk ishte në stërvitjen e Tiranës. “Panorama Sport” mëson se lojtari brazilian duket se e ka mbyllur me bardheblutë dhe për këtë qëllim ai nuk ishte dje më pjesë e stërvitjes së skuadrës së parë.
Braziliani është një dështim i madh te Tirana dhe bardheblutë kërkojnë që t’i bëjnë ndryshe punët. Në fakt, drejtuesit e Tiranës këto ditë kanë parë me kujdes se çfarë nuk shkon në skuadër.
Janë bërë analiza të ndryshme, ndërsa natyrshëm ka nga ata që e kanë kaluar klasën dhe të tjerë që kanë mbetur e që janë një zhgënjim i madh.
Mësohet se drejtuesit e ekipit i kanë ofruar De Silvës mbylljen me mirëkuptim të marrëveshjes dhe një gjë e tillë duket se ka ndodhur.
Arena e Lajmit
and then