Zjarr në katin e tretë të një godine në Fier. Mësohet se në këtë godinë kanë qenë më parë zyrat e PD, ndërsa aktualisht ky kat është i pashfrytëzuar.
Gazetari Ervis Kuçi raporton për BalkanWeb se në katin e parë të godinës ndodhet edhe çerdhja nr 1 e qytetit. Zjarrfikësit janë lajmëruar nga banorë të zonës të cilët kanë parë të dalë tym nga dritaret.
Kanë qenë banorët e zonës ata që kanë njoftuar shërbimin e zjarrfikëses, e cila ka bërë të mundur shuarjen e zjarrit.
Fier/Informacion paraprak
Sot rreth orës 18:50, në lagjen “29 Nëntori”, Fier, në katin e tretë të një ndërtese e cila ishte e papërdorshme, ka rënë zjarr.
Në vendngjarje kanë shkuar shërbimet e Policisë dhe zjarrëfikëset, të cilët bënë të mundur fikjen e zjarrit. Po punohet për sqarimin e shkaqeve të rënies së tij.
Arena e Lajmit