“Pasuritë publike po i jepen një grushti biznesesh”, Tabaku zhvendos vëmendjen tek rritja e çmimeve: Autoriteti i Konkurrencës s’ka luajtur asnjë rol

Në fjalën e saj në Kuvend Jorida Tabaku i ka kushtuar rëndësi rolit të Autoritetit të Konkurrencës.

Tabaku tha se qeveria nuk mori masa për të ndërhyrë për rritjen e çmimeve.

Deputetja e PD nuk i ka kursyer akuzat ndaj qeverisë Rama, ndërsa theksoi se asnjë investim i huaj në Shqipëri nuk ka pasur transparencë , por janë kaluar si ndere, apo favore dhe se po jepet çdo pasuri publike për një grusht biznesesh.

“Do të kisha dashur të diskutoni çështjen  për rritjen e çmimeve. Qeveria nuk ndërhyn, çmimet vazhdojnë të rriten dhe këtu vetëm ngrihen struktura. Raportin e Autoritetit të Konkurrencës nuk kam gjetur zgjidhje. A janë marrë masa për të ndryshuar situatën dhe a ka funksionuar ky autoritetet.  A është analizuar Porti i Durrësit dhe ai i Vlorës”, tha Tabaku.

Arena e Lajmit