Është mbajtur sot në Kuvendin e Shqipërisë mbledhja e përbashkët e Kuvendit të Kosovës dhe Kuvendit të Shqipërisë.
Mbledhja e parë e dy Kuvendeve mbahet me rastin e 110-vjetorit të Pavarësisë së Shqipërisë. Kryeministri i Kosovës Albin Kurti dhe kryetari i Kuvendit të Kosovës Glauk Kojufca janë pritur nga kryeministri Edi Rama dhe kryetarja e Parlamentit Lindita Nikolla.
Seanca ka nisur me mbajtjen e dy himneve, fillimisht ai i Kosovës dhe më pas i Shqipërisë, teksa deputetët janë ngritur më këmbë për të respektuar dy himnet. Kryeministri i Kosovës Albin Kurti është ulur përbri Ramës, në vendin e zakonshëm të kryeministrit, ashtu si edhe Konjufca pranë Nikollës.
Kryetarja e Kuvendit, Lindita Nikolla ka hapur punimet e kësaj mbledhjeje për të vijuar me kryetarin e Kuvendit të Kosovës, Glauk Konjufca.
Sipas axhendës së publikuar, kryeministri Edi Rama dhe kryeministri Albin Kurtit kanë mbajtur nga një fjalim.
Gjithashtu, një një fjalim përshëndetës kanë mbajtur edhe kryetarët e grupeve parlamentare të Kuvendit të Shqipërisë dhe Kuvendit të Kosovës.