Trajneri i Barcelonës, Ksavi Hernandez, ka folur para mediave në prag të takimit shumë të rëndësishëm sonte në mbrëmje kundër Betisit. Katalanasit udhëtojnë drejt Seviljes në një sfidë që mund t’i afrojë edhe më shumë me objektivin Champions. Ksavi e di fare mirë se kjo është një përballje vendimtare dhe këtë mesazh ua ka përcjellë edhe lojtarëve të tij.
“Kjo është një përballje me një rival të drejtpërdrejtë. Ndaj nëse do t’ia dilnim me sukses, do të hiqnim një barrë të madhe nga supet tona. Këto janë ndeshje ku futen në lojë edhe llogaritë. Nëse e kalojmë Betisin, mendoj se vendi i dytë është plotësisht i mundur”, ka thënë Ksavi.
Trajneri i Barcelonës gjithashtu ka treguar se ai dhe skuadra e tij do t’i bëjnë roje nderi Betisit për të respektuar fituesit e Kupës së Mbretit.
“Është e qartë se do t’i respektojmë, do të tregojmë sportivitet. Ata e meritojnë, pasi kanë fituar Kupën e Mbretit. Nëse nuk ua mësojmë fëmijëve tanë respektin për tjetrin, ky do të ishte një gabim fatal. Rivaliteti dhe polemikat historike janë tjetër gjë, por respekti duhet ruajtur”, ka thënë Ksavi.
Numri një i stolit të Barçës ka përgëzuar edhe Realin për një tjetër finale në Champions. “Reali duhet respektuar. Kanë fituar 5 Champions me këtë model loje”, ka thënë ai.
Arena e Lajmit
and then