Barcelona dhe Mançester Siti zhvilluan një miqësore luksi në “Camp Nou”, ku u regjistruan në total plot 6 gola. Në stadiumin mitik të Barcelonës ishin të pranishëm 91 mijë e 62 spektatorë, teksa ndeshja përfundoi në barazim 3-3.
Alvarez hapi serinë e golave për “Qytetarët” në minutën e 21-të, teksa katalanasit barazuan në minutën e 29-të me Aubamejang. Pjesa e parë përfundoi me rezultatin 1-1, teksa fragmenti i dytë i lojës prodhoi dhe 4 gola të tjerë. De Jong shënoi për 2-1 në të 66-tën, ndërsa Palmer barazoi shifrat në 2-2 në të 70-tën.
Për golin e tretë të Barcelonës mendoi Depaj në minutën e 79-të, teksa goli i barazimit për Sitin do të vinte në minutën e 90+9’, ku Mahrez shënoi nga pika e bardhë e penalltisë.
Arena e Lajmit
and then