Barcelona-Mançester Siti përfundoi në barazimin 3-3 në një ndeshje bamirësie të zhvilluar në stadiumin “Camp Nou”.
Golat për katalanasit u realizuan nga Obamejang në minutën e 29′, De Jong në minutën e 66′ dhe nga Memfis Depaj në minutën e 79′.
Ndërsa për ekipin e drejtuar nga Pep Guardiola, autorët e golave ishin, Alvarez në minutën e 21′, Palmer në minutën e 70′ dhe Rijad Mahrez në minutën e 90+9′ me penallti.
Rastet që tërhoqën vëmendjen e të gjithëve ishin dy gafat e pafalshme të dy portierëve të dy skuadrave.
Në fillim ishte portieri i Barcelonës, Injaki Pena, i cili pas një krosimi në zonë nuk kontrolloi dot topin me duar duke i rrëshqitur nga duart dhe ai që përfitoi ishte Alvarez, i cili shënoi golin e parë të takimit.
Ndërsa gafa tjetër është e gardianit të Mançester Sitit, Stefan Ortega, i cili pas një goditje të fortë të Pierr-Emerik Obamejang u hodh në mënyrë të gabuar duke ndëshkuar skuadrën e tij.
– Arena e Lajmit