Shqipëria reagon pas tensioneve në veri të Kosovës, Xhaçka: Dënojmë ashpër sulmet ndaj EULEX-it, të hiqen menjëherë barrikadat e grupeve serbe

Ministrja e Punëve të Jashtme Olta Xhaçka ka reaguar në lidhje me tensionet e fundit në veri të Kosovës teksa ka shkruar në Twitter se Shqipëria dënon ashpër sulmet ndaj EULEX-it dhe policisë së Kosovës në veri.

“Shqipëria dënon ashpër sulmet ndaj EULEX-it dhe në Policinë e Kosovës në veri të Kosovës. Ne i bashkohemi thirrjeve të partnerëve tanë ndërkombëtarë për heqjen e menjëhershme të barrikadave nga grupet e serbëve të Kosovës. Është e rëndësishme të rivendoset qetësia dhe sundimi i ligjit”, shkroi Xhaçka.