Sot, do të zhvillohen dy ndeshjet e para të javës së dytë të edicionit të ri futbollistik 2022/2023 të Kategorisë Superiore.
Në orën 17:00, në stadiumin e qytetit të Kamzës, do të luhet sfida Kastrioti-Erzeni.
Krutanët e Emiljano Çelës duan tre pikët e para në këtë kampionat pas humbjes në Ballsh ndaj Bylisit, ndërsa shijakasit e Kapllanit synojnë 3 pikëshin e radhës pas fitores surprizë ndaj Vllaznisë në javën e kaluar.
Në po të njëjtën orë, në stadiumin “Niko Dovana”, do të zhvillohet dueli Teuta-Bylis.
Durrsakët e Renato Arapit kërkojnë suksesin e parë pas disfatës së javës së kaluar në Laç ndaj kurbinasve, ndërsa ballshiotët e Arian Bellait do të tentojnë surprizën e radhës në kampionat.
NDESHJET E DITËS SË SOTME NË KATEGORINË SUPERIORE –
– Arena e Lajmit
