Ish-deputeti i Partisë Demokratike, Genc Pollo ka reaguar për marrëveshjen e Portit të Durrësit, duke u shprehur se Al Albari-Al Emari albanez po shet dyqane e apartamente në hava.
Gjithashtu ai shtron pyetjen se duhet që Prokuroria të nisë hetimet për këto raste.
Reagimi i plotë:
Al Abari-Al Emari albanez po shet dyqane e apartamente në havá. A është kjo praktikë mashtruese? Me blerës që u ngelet në dorë letra pa vlerë dhe me dhjetëra a qindra euro të humbura?
A mos duhet që prokuroria të fillojë menjëherë hetimin e të sekuestrojë dokumentacionin e Al Abarit-Al Emarit albanez?
GP
Neni 146 i Kodit Penal:
Mashtrimi në kredi
Mashtrimi në dokumentet e paraqitura, duke përfituar padrejtësisht kredi duke regjistruar në mënyrë fiktive në hipotekë objekte që nuk ekzistojnë, ose tej vlerës së tyre reale, ose në pronësi të një tjetri, të bëra me qëllim për të mos kthyer më kredinë e marrë, dënohet me gjobë ose me burgim gjer në shtatë vjet -/-