Portieri i Borusia Myshëngladbah, Jan Somer, është pa diskutim lojtari i javës në Bundesligën gjermane. 33-vjeçari ishte heroi i “Mëzave” në atë që konsiderohet si makthi i ekipeve mike, mitiku “Allians Arena”, përballë Bajern Mynih. Plot 19 gjuajtje, nga 20 të bavarezëve, u ndalën nga portieri i kombëtares helvete.
Nuk kishte ndodhur kurrë më parë që një portier në Gjermani të kapë një kuotë të tillë pritjesh. Pas përfundimit të takimit dhe konkretizimit të rekordit, nuk mund të mungonte ndjesa e gardianit Jan: “Ndihem i lumtur për rezultatin ndaj një ekipi si Bajern. Mund të kishim bërë edhe më mirë, por edhe mund të kishim pësuar gola”. Somer u duk se do të vinte me shpatulla pas murit edhe drejtuesit e Myshëngladbahut pas paraqitjes fantastike: “Ndodhem këtu prej 8 vitesh, nëse nuk do të isha integruar në ekip dhe projektet e tij, nuk do ta vazhdoja më këtë histori.
Di të them se klubi ku luaj aktualisht është familja ime dhe po i gëzohem formës. Do të diskutojmë me klubin për të ardhmen dhe zgjatjen e kontratës në momentin e duhur, përfshirë kushtet personale. Shpresoj që gjithçka të shkojë mirë”, përfundoi portieri i 19 pritjeve ndaj Bajernit.
Arena e Lajmit
and then