Adnan Januzaj vazhdon të jetë pa skuadër, pasi nuk rinovoj me Real Sociedadin këtë verë. Prej javësh sulmuesi me origjinë shqiptare, që përfaqëson Belgjikën, është në kërkim të një ekipi të ri dhe përflitej për një kalim në Serinë B të Venecia.
Duket se së fundmi, një emër i madh është shfaqur për 27-vjeçarin. Bëhet fjalë për Sevijan.
Klubi spanjoll do të largojë Lukas Okamposin drejt Ajaksit dhe drejtuesit janë vënë menjëherë në kërkim të një zëvendësuesin.
Duke parë që ai ka eksperiencë në La Liga dhe se është një lojtar i lirë, Sevija do ta ketë më të lehtë ta afrojë.
Kështu Januzaj mund të jetë sërish protagonist në elitën e futbollit spanjoll, por edhe në Ligën e Kampionëve, ku Sevija do të ketë përballë Mançester Sitin, Borusian e Dortmundit dhe Kopenhagenin.
Arena e Lajmit
and then