![policia-naten-1 Policia Naten 1](https://www.arenaelajmit.com/wp-content/uploads/2023/03/policia-naten-1.jpg)
Policia e kryeqytetit ka njoftuar gjatë mbrëmjes së sotme se një vogëlushe 4-vjeçare u gjet e pashoqëruar në zonën e Liqenit Artificial ndërsa u bëri thirrje qytetarëve që kishin dijeni mbi familjen e saj, të kontaktonin.
Më tej blutë njoftuan se nëna e vogëlushes është paraqitur në komisariatin Nr.1 dhe ka marrë vajzën në gjendje të mirë shëndetësore.
“Më datë 15.03.2023, është konstatuar e vetme te Liqeni Artificial, një vajzë 4 vjeçe, që quhet Merkel, e cila është shoqëruar më pas në ambientet e Komisariatit të Policisë Nr. 1.
Fëmija ka flokë të zinj, ka veshur kostum rozë dhe një jelek të bardhë sipër.
Drejtoria Vendore e Policisë Tiranë fton qytetarët që mund të kenë dijeni për familjarët e fëmijës të telefonojnë në numrin pa pagesë 112.
Në vijim të informacionit paraprak të dhënë pak më parë për vajzën 4-vjeçare, ju informojmë se:
Në Komisariatin e Policisë Nr. 1 është paraqitur nëna e vajzës, shtetasja D. S., e cila mori në gjendje të mirë shëndetësore vajzën e vet”, deklaron policia.