“Barrikadat janë rezistencë politike paqësore”, Xhaçka reagon pas deklaratës së ministrit serb: Nëse do të ishte kështu, duhet rishikuar…

Ministrja e Punëve të Jashtme Olta Xhaçka ka reaguar pas situatës së krijuar në veri të Kosovës, me barrikadat e ngritura nga serbët.

Në një reagim pas deklaratave të ministrit serb Ivica Daçiç, i cili u shpreh se barrikadat janë një mënyrë e protestës paqësore, Xhaçka tha se kjo nuk është e vërtetë.

Në një postim në Twitter, Xhaçka deklaroi se nëse do të ishte kështu, do të duhej të bëhej një rishikim i nocioneve themelore për bashkëjetesën paqësore mes njerëzve, komuniteteve, partive dhe kombeve.

Postimi i plotë:
Na vjen keq që nuk pajtohemi! Barrikadat nuk janë mjet proteste paqësore! Nëse do të ishte kështu, atëherë do të duhej të rishikoheshin shumë nocione themelore të qytetërimit tonë për bashkëjetesën paqësore mes njerëzve, komuniteteve, partive, kombeve. Me pasoja dramatike. Nuk është një ide e mirë. Fare.

Arena e Lajmit