Kaos në futbollin argjentinas! Federata e Futbollit (AFA) ka pezulluar aktivitetin në vend pas atentatit të dështuar kundër zv.presidentes së vendit, Kristina Fernandez de Kirchner. Ajo i shpëtoi këtij atentati të enjten, pasi arma e një personi të armatosur u bllokua.
Incidenti ndodhi kur ajo po kthehej në shtëpi nga gjykata në Buenos Aries, pasi po përballet me akuza për korrupsion. Personi i armatosur, i cili thuhet se është një brazilian 35-vjeçar, u arrestua pas këtij rasti. AFA njoftoi pas sulmit se po pezullonte futbollin. Të gjitha ndeshjet e planifikuara që të zhvillohen këtë të premte u anuluan.
E premtja u shpall gjithashtu një festë kombëtare nga presidenti argjentinas, Alberto Fernandez, i cili e përshkroi atentatin ndaj si një nga incidentet më të rënda që kur vendi u kthye në demokraci më 1983.
pic.twitter.com/bezoDmMHe3
— AFA (@afa) September 2, 2022
Arena e Lajmit