Në përballjen e sotme me Milanin, Simone Inzagi duhet të hedhë në fushë formacionin e tij më të mirë për të marrë maksimumin prej 90 minutave që në fund mund të rezultojnë vendimtare.
Trajneri zikaltër mund t’i gëzohet rikthimit në formë të Korreas e Brozoviçit që lanë fushën ndaj Kremonezes, ashtu si atij të Bastonit.
Pikërisht italiani dhe krahu i majtë i mbrojtjes është një nga pikëpyetjet e teknikut, që në vend të 23-vjeçarit mund të aktivizojë Dimarkon.
Po në krahun e majtë Darmian e Gosens janë në balotazh për një fanellë titullari, me italianin që niset i avantazhuar.
Mesfusha do të kompletohet nga Brozoviç, Barela, Çalahnaoglu e Dumfris në të djathtë, me Kristjan Asllanin që do ta nisë nga stoli.
Dilema më e madhe i përket sulmit, ku Inzagi duhet të zgjedhë një mes Xhekos e Korreas për ta nisur krah Lauataros, me boshnjakun favorit.
Arena e Lajmit
and then