Kur na ndajnë disa jave nga zgjedhjet lokale të 14 majit, tenderat për asfalt elektoral nuk kanë munguar as në Bashkinë e Kuçovës.
Bashkia e drejtuar nga Kreshnik Hajdari është kujdesur të përmbyllë tenderin për rikonstruksionin e rrugës së fshatit Goraj përpara zgjedhjeve, pavarësisht se banorët kishin vite të tëra që bënin thirrje për rikonstruksionin e 5 kilometrave rrugë që u kishin vështirësuar jetën.
Tenderi për rikonstruksionin e rrugës së fshatit Goraj është çelur në 17 janar 2023, në kundërshtim me ligjin që ndalon zhvillimin e tenderëve 4 muaj përpara zgjedhjeve lokale.
Tenderi kap vlerën e 350 milionë lekëve për një rrugë fshati dhe është fituar nga firma ‘Koloseu’. Në procedurën e prokurimit kanë ofertuar 12 operatorë ekonomikë, por tenderin e ka fituar ‘Koloseu’ pavarësisht se oferta ekonomike e kësaj kompanie nuk ishte çmimi më i ulët.
Ndërkohë që kryebashkiaku Kreshnik Hajdari pret rikonfirmimin e emrit të tij në garën për bashkinë e Kuçovës, burime të brendshme pranë bashkisë bëjnë të ditur se në ditët në vazhdim priten përfundime të tenderëve të tjerë për qëllime elektorale, që janë çelur në kundërshtim me ligjin.
and then