Pas shkarkimit të Sinisa Mihajloviç nga detyra e trajnerit, klubi i Bolonjës po sheh përtej për të gjetur sa më shpejt një teknik të ri për sezonin aktual që ka nisur.
Sipas asaj që raporton “TuttoMercatoWeb”, klubi emilian ka nisur bisedimet me ish-futbollistin e Interit të tripletës, Tiago Motën, i cili nga drejtuesit kuqeblu shihet si favoriti për tu ulur në pankinë.
Italo-Braziliani aktualisht ndodhet pa ekip pas përfundimit të detyrës me Specian në sezonin e kaluar, ku kishte mundësinë të stërviste edhe sulmuesin e Kombëtares shqiptare, Rei Manajn.
40-vjeçari më parë ka qenë edhe trajner i Xhenoas dhe i PSG-së U-19.
– Arena e Lajmit