Policia e Lushnjes ka dhënë detaje lidhur me ngjarjen e ndodhur në Lushnje, ku pas të shtënave me armë u raportuar se mbeti e plagosur, Bajame Seneja, 60-vjeç.
Uniformat blu bëjnë me dije se autori i identifikuar, është Armand Hasalla dhe se janë ngritur të gjitha pikat e kontrollit për kapjen e tij.
NJOFTIMI:Rreth orës 17:20, në afërsi të varrezave të fshatit Ballagat, Lushnjë, është plagosur me armë zjarri në këmbë shtetasja B. S., 60 vjeçe, banuese në Ballagat, Lushnjë, e cila ndodhet në spital, në kujdesin e mjekëve, jashtë rrezikut për jetën.
Shërbimet e Policisë kanë shkuar menjëherë në vendngjarje dhe kanë bërë të mundur identifikimin e autorit, shtetasi A. H. i cili pasi e ka plagosur në këmbë 60-vjeçaren, është larguar nga vendngjarja.
Janë ngritur pika kontrolli në të gjitha hyrje-daljet e qytetit të Lushnjës dhe vijon krehja e zonës me qëllim kapjen e autorit.
Grupi hetimor ndodhet në vendngjarje dhe vijon punën intensive për zbardhjen e plotë të ngjarjes.
Arena e Lajmit
and then