Rafael Leao ka treguar me fakte se dëshiron të mbetet te Milani me refuzimin ndaj Çelsit, por ka kërkesa gjithnjë e më të qarta dhe të rëndësishme në lidhje me rinovimin e kontratës, e cila i skadon pas dy vitesh.
Portugezi ka një mosmarrëveshje me Sportingun e Lisbonës me vlerë 19 milionë euro: shuma duhet të paguhet përgjysmë mes Leaos dhe Lilës.
Megjithatë, Milani kishte dalë garant duke propozuar një zgjidhje. Klubi kuqezi do të kishte paguar gjysmën e gjysmës së detyrimit të Leaos, ndërsa pjesa tjetër do të paguhej gjithmonë nga Milani, duke u zbritur në rinovimin e një kontrate për 5 vitet në vijim”.
PRETENDIMI – Tani, megjithatë, bisedimet kanë pësuar një kthesë të fuqishme. Javët e fundit Leao dhe menaxherët e tij kanë qenë të qartë.
Lojtari kërkon që të paguhen plotësisht nga “Djalli” paratë e gjobës që i ka vënë gjykata për prishje të njëanshme të kontratës me Sportingun tri vite më parë.
Përveç kësaj, ai ka ngritur edhe pretendimet në lidhje me rrogën. Ai nuk do më 6 milionë, por 7 neto në sezon.
Do të shohim, pra, nëse mbi këtë bazë do të arrihet një marrëveshje mes palëve me kuqezinjtë që mund të marrin në konsideratë shitjen e lojtarit verën e ardhshme, për të mos thënë që në merkaton e janarit nëse do të jenë eliminuar nga Champions-i.
BISEDIMET – Në këto rrethana, bisedimet duken të destinuara të vijojnë për disa muaj. Milani do të mundohet të blindojë xhevahirin e skuadrës së Piolit.
Nëse arrihet akordi për rinovimin, përveç rrogës së 23- vjeçarit, do të duhet të ndryshojë edhe klauzola.
Aktualisht është në vlerën e 150 milionë eurove, por me siguri që do të rritet me të paktën 100 milionë euro të tjera në mënyrë që të shmanget zhvatja e Leaos nga ndonjë klub milioner siç u rrezikua pak javë më parë me Çelsin.
Arena e Lajmit