Presidenti i Federatës Shqiptare të Futbollit, Armand Duka, ka uruar klubin e Tiranës, pas sigurimit matematikisht të titullit kampion të 26-të në elitën e futbollit.
Nëpërmjet një postimin në faqen zyrtare në “Facebook”, kreu i organit më të lartë të futbollit në Shqipëri, e ka cilësuar këtë sukses të bardhebluve si një rrugëtim plot emocione, në një kampionat të bukur. Sipas Dukës, klubi duhet të fillojë punën nga nesër për të nderuar futbollin shqiptar në arenën ndërkombëtare.
STATUSI I PRESIDENTIT ARMAND DUKA:
Urime Tirana!
Të dashur miq,
Dua t’i shpreh urimet më të mira KF Tirana për titullin e 26-të kampion. Sot është një ditë e merituar feste për lojtarët, stafin teknik, drejtuesit dhe tifozët. Një rrugëtim plot emocione në një kampionat me të vërtetë të bukur ku ende shumë enigma janë për tu zbardhur.
Më e bukura është përpara dhe klubi duhet të fillojë punën nga nesër për të nderuar futbollin shqiptar në arenën ndërkombëtare.
Arena e Lajmit