Arabia Saudite do të kandidojë për të organizuar Botërorin 2030 bashkë me Greqinë dhe Egjiptin. Nëse do të fitonte, atëherë do të ishte hera e dytë që Kupa e Botës do të zhvillohej në dimër, pas turneut të këtij viti në Katar.
E zbulon “The Times”, e cila konfirmon se qeveritë e të tria vendeve kanë rënë dakord për të shpallur kandidaturën e përbashkët javët e ardhshme. Arabia Saudite do të ishte vendi udhëheqës, i cili do të kontribuonte edhe në mbulimin e kostove të infrastrukturës.
Kjo kandidaturë pritet të kundërshtohet nga Premier Liga dhe kampionatet e tjera kryesore të Europës, të cilat nuk duan një tjetër turne në dimër. Konkurrenca për organizimin e Botërorit 2030 pritet të jetë e lartë. Europën pritet ta përfaqësojë kandidatura e përbashkët Spanjë-Portugali, ndërsa edhe Amerika e Jugut do të tentojë ta rikthejë turneun në kontinentin e saj, teksa ky Botëror përkon me 100-vjetorin e Kupës së parë të Botës, mbajtur dhe fituar nga Uruguai.
Arena e Lajmit
and then