Sioni i Paolo Tramexanit, ku aktivizohet sulmuesi italian Mario Baloteli, është shndërruar në faktor në kampionatin zviceran të futbollit, teksa ditën e sotme mposhtën me rezultatin 1-2, kryesuesit e St.Galen, duke regjistruar kështu triumfin e dytë radhazi.
Me këtë fitore, Sioni u ngjit në kuotën e 14 pikëve, 1 më pak se St.Galeni i vendit të parë. Me këtë ecuri duket se skuadra e trajnerit Tramexani, ish-ndihmësit të De Biazit te Shqipëria, do të synojë objektiva madhore këtë sezon.
Sfidën e radhës bardhekuqtë do e luajnë ndaj Uinterthurit të vendit të fundit në shtëpi, një shans i artë ky për t’u ngjitur akoma më shumë në renditje.
Arena e Lajmit