Prej pak kohësh ka pasur denoncime të shumta nga ana e opozitës në lidhje me aplikacionin “Akiv1sti” i cili dyshohet se përdoret nga mazhoranca për të shtuar aktivitetin në rrjetet sociale.
Shpesh është përfolur se punonjës të administratës detyrohen të shkarkojnë aplikacionin i cili mat pëlqimet, shpërndarjet dhe komentet për secilin përdorues, madje kushdo që nuk është aktiv në të, kërcënohet me pushim nga puna.
Ditën e sotme është publikuar një listë me mbi 260 faqe e cila dyshohet se përmban emrat e personave që kanë shkarkuar aplikacionin.
Lista po shpërndahet me shpejtësi në rrjetet sociale. Pjesë e saj janë prokurorë, gjyqtarë, oficerë policie.
Kujtojmë se kreu i PD Sali Berisha ka deklaruar mbrëmjen e sotme se pjesë e listës janë edhe 36 prokurorë dhe efektivë policie.
Ai tha se kjo është një përpjekje për ta kthyer administratën në një seksion të Partisë Socialiste.
Arena e Lajmit
and then