Laçi ka mundur sot Kastriotin dhe ka arritur rezultatin më të mirë të historisë së vet në elitën e futbollit shqiptar. Suksesi 4-1 ndaj krutanëve ka siguruar që skuadra e Duros të ketë matematikisht të sigurt vendin e dytë në kampionat, si asnjëherë më parë në historinë e këtij ekipi.
Kurbinasit kanë dominuar ndeshjen e sotme duke qenë më kërkues edhe pse u gjenden në disavantazh pas penalltisë së Ajazit. Por dy gola të shpejtë të Adeleke dhe Shehut përmbysën shifrat që në fundin e pjesës së parë ndërsa në të dytën, ekip i Duros vazhdoi të ishte më ngulmues duke shënuar gola të tjerë me Qato e Zarubica, për të siguruar një fitore që për të është historike.
LAÇI 4-1 KASTRIOTI
40′ Adeleke, 42′ Shehu, 63′ Qato, 89′ Zarubica / 38′ (p) Ajazi
KOMENTI :
90’+5′ Mbyllet ndeshja me suksesin 4-1 të Laçit.
90’ Jepen 5 minuta shtesë.
89’ GOOOL LAÇI! Pas zhvillimit të një goditje nga këndi, topi shkon te Zarubica i cili në kufijtë e zonës gjuan dhe mposht Salin .
86’ Greca ndëshkohet me karton të verdhë pas një faulli ndaj Velijajt.
85’ Ignjatoviç merr vendin e Roganoviç në fushën e lojës.
81’ Provon edhe Roganoviç nga distanca, Sali bën gjënë e sigurt dhe kalon sferën mbi traversë.
80’ Harkim në zonë nga e djathta e sulmit të Kastriotit, Hajdëraj nuk arrin të kthejë sferën në portën e Dajsinanit.
78’ Aksion spektakolar i Spahiut në krahun e majtë të sulmit, teksa driblon 2 lojtarë e më pas pason te Shehu në qendër. Gjuajtja e këtij të fundit kalon mes mbrojtësve, por ndalet në duart e Salit.
76’ S. Selmani hyn në fushë për Bashën duke mbyllur zëvendësimet e Kastriotit për këtë ndeshje.
72’ Provon nga ana tjetër Spahiu me një gjuajtje të fortë, Sali pret në dy kohë.
71’ Pas një goditje nga këndi, Kaina gjuan pak hapa larg portës por sfera mbetet në këmbët e Qatos dhe nuk kalon vijën fatale.
70’ Zëvendësim i trefishtë te Laçi. Deliu, Mazrekaj dhe Adeleke i lënë vendin në fushë Zulfiut, Spahiut dhe Zarubicës.
68’-69’ Gjyqtari shkon të shohë vetë pamjet në VAR dhe pasi monitoron për dy minuta atë që ka ndodhur në zonë, anulon vendimin e tij.
65’ Penallti për Laçin. Ndërhyrje e gabuar e Nezirit ndaj Guindo dhe gjyqtari bërë shenjë nga pika e bardhë.
63’ GOOOL LAÇI! Predhë e jashtëzakonshme e Qatos nga rreth metra që mposht Salin.
61’ Largohet Ajazi, Kodra dhe Onanuga. Në fushë futen Karakaçi, Kaina dhe Hajdëraj në radhët e Kastriotit.
58’ Tre minuta pritje që nga momenti i shënimit të golit për të verifikuar me VAR nëse ishte pozicion jashtë loje apo jo, në fund konfirmohet vendimi i fushës.
55’ Harkim i Shehut nga e djathta, Adeleke dërgon sferën në rrjetë por festa e tij ndërpritet nga vijërojtësi që e sinjalizon në pozicion jashtë loje.
54’ Shehu shtrin në tokë tre lojtarë me fintet e tij e pastaj tenton portën, Sali ndal gjuajtjen e mesfushorit.
48’ Adeleke mundohet t’i shmanget Ramit, ky i fundit e mban dhe pastaj sulmuesi rrëzohet në zonë. Gjyqtari i tregon kartonin e verdhë sulmuesit për simulim.
47’ Adeleke shfaqet në krahun e majtë dhe gjuan direkt në portë, Sali devijon në këndore.
46’ Pjesa e dytë nis me zëvendësim te të dy ekipet. Hasani merr vendin e Okebugut te krutanët, ndërsa Qato zëvendëson Ujkën në radhët e ekipit vendas.
45’+3’ Mbyllet pjesa e parë me rezultatin 2-1 për vendasit.
45’+1’ Pas një harkimi nga këndi, Malota me kokë tenton portën, por sfera ndalet në duart e Salit.
45’ Jepen 2 minuta shtesë.
42’ GOOOL LAÇI! Julian Shehu gjen golin e përmbysjes pas një aksion të zgjatur nga krahu i djathtë i Deliut i cili i jep një asist perfekt.
40’ GOOOL LAÇI! Shënon Adeleke pas një aksioni të gjatë të krutanëve me një kthesë të bukur ku topi përplaset në shtyllë e pastaj shkon në rrjetë.
38’ GOOOL KASTRIOTI! Shënon Ajazi me penallti.
34’-37′ Rami harkon nga e majta, Roganoviç devijon topin me dorë dhe sfera përfundon më pas jashtë pa u devijuar nga askush në zonën e Laçit. Protesta të krutanëve të cilët kërkojnë penallti, gjyqtari Bastari i drejtohet vetë monitorit të VAR për të parë aksionin. Pasi vëzhgon pamjet, ai bën shenjë nga pika e bardhë e penalltisë.
31’ Shehu nis një harkim për Guindon, mbrojtja e miqve është e vëmendshme dhe eviton çdo rrezik duke larguar sferën.
23’ Goditje nga këndi për Kastriotin. Harkimi nga e djathta e sulmit gjen Grecën në shtyllën e parë dhe kthesa e tij vë në vështirësi Dajsinanin i cili gjithsesi arrin të mbërthejë sferën.
18’ Harkim i rrezikshëm nga e djathta e sulmit të Laçit, Selmani nuk devijon topin dhe Guindo ka mundësinë të përfitojë, por nuk ka kontaktin me sferën para portës kundërshtare duke shpërdoruar një mundësi të mirë.
16’ Deliu provon me një gjuajtje nga distanca, topi përfundon në duart e Salit.
14’ Ujka provon nga jashtë zonës pa gjetur katërkëndorin kundërshtar, ndërsa kishte mundësi pasimi për shokët e skuadrës duke irrituar jo pak trajnerin Duro.
6’ Dida merr një krosim nga goditja e këndit dhe tenton të gjejë portën me kokë, por tentativa e tij shkon mbi kuadrat.
1’ Starton sfida!
FORMACIONET ZYRTARE:
LAÇI: Dajsinani, Roganoviç, Veliaj, Malota, Turkaj, Shehu, Ujka, Deliu, Mazrekaj, Adeleke, Guindo.
Trajner: Shpëtim Duro
KASTRIOTI: Sali, Selmani, Neziri, Dida, Rami, Kodra, Onanuga, Okebugu, Basha, Greca, Ajazi.
Trajner: Emiljano Çela
Arena e Lajmit
and then