RENDITJA E SUPERIORES/ Partizani rimerr kreun, Kukësi mbyll tabelën e klasifikimit. Ja situata pas sfidave të javës së pestë

Kategoria Superiore ka luajtur javën e pestë të saj, me surprizat që sërish nuk munguan, me renditjen që vazhdon të ndryshojë.

Partizani ka rimarrë kreun e renditjes, duke mundur Kukësin në transfertë me rezultatin 1-2, me këtë të fundit që vazhdon të jetë në fund të tabelës së klasifikimit.

Në sfidat e tjera të kësaj jave, Vllaznia mposhti me një gol Kastriotin, me shkodranët që e shikojnë veten në vendin e tretë, ndërsa krutanët qëndrojnë në vendin e shtatë.

Erzeni vazhdon të jetë surpriza e këtij sezoni, kësaj radhe duke mundur në shtëpi Laçin dhe duke u pozicionuar në vendin e dytë, me vetëm 1 pikë larg Partizanit. Nga ana tjetër, kurbinasit vazhdojnë të jenë në ujëra të turbullta, duke u renditur në vendin e 8 pas katër humbje radhazi.

Bylisi dhe Egnatia nuk shkuan më shumë se barazimi pa gola, me ballshiotët që renditen të 5-tët, ndrësa rrogozhinasit një pozicion më poshtë.

Tirana mundi me rezultatin e thellë 4-0 Teutën në shtëpi, duke u ngjitur në vendin e katërt të renditjes, ndërsa durrsakët vazhdojnë të jenë të parafundit.

REZULTATET:

E PREMTE (16.09.2022)

TIRANA 4-0 TEUTA

Xhixha 43’, 59’, (P) 90+2’, Hasani 49’

E SHTUNË (17.09.2022)

BYLIS 0-0 EGNATIA

ERZENI 1-0 LAÇI

Kahrimanoviç (P) 90+5’

E DIELË (18.09.2022)

VLLAZNIA 1-0 KASTRIOTI

Hoxhaj 1’

E HËNË (19.09.2022)

KUKËSI 1-2 PARTIZANI

Daci 48’ / Cara 14’, Bitri 74’

RENDITJA:

Arena e Lajmit

NDIQE LIVE “PANORAMA TV”