Gazetari Artan Hoxha ka publikuar pamje nga momentet para dhe gjatë ekzekutimit të biznesmenit Ardian Nikulaj në Shëngjin, ngjarje e ndodhur një javë më parë.
Në video shfaqen edhe momentet nga vizita e një prej bashkëpunëtorëve anglez në hotelin e Nikulajt më 11 prill 2023.
Në video tregohet se ekzekutori është nisur në një moment drejt ambienteve të lokalit ku ndodhej edhe viktima, por se është njoftuar që të kthehej pas, urdhër të cilin duket se e ka zbatuar.
Gjatë të gjithë kohës autori qëndronte i fshehur lokalit në pritje të lajmërimit nga bashkëpunëtori anglez për të vijuar operacionin për ekzekutimin e Nikulajt.