Tragjedia në familjen shqiptare në Itali/ Burri vrau vajzën dhe e akuzonte për tradhti me italianin, flet gruaja: S’ka pasur akuza më parë. Dyshoj për bashkëpunëtor

Tefta Malaj ka dhënë një intervistë për emisionin ‘Me zemër të hapur’ në News24’, të moderatores Evis Ahmeti, ku ka folur për ngjarjen e rëndë të ndodhur në Itali, pasi u godit me thikë nga bashkëshorti, i cili vrau vajzë 16-vjeçare dhe një shtetas italian.

Ajo gjithashtu është shprehur se nuk ka pasur më parë mes tyre akuza lidhur me tradhtinë bashkëshortore, ndërsa thotë se është hera e parë që i dëgjon nga Taulant Malaj.

Ndër të tjera gjatë kësaj interviste, Tefta Malaj, ka thënë se dyshon se bashkëshorti i saj ka pasur bashkëpunëtor që mund ta ketë ndihmuar, pasi ka dyshuar nga veprimet që ia ka bërë në momentin kur ka ndodhur vrasja.

Pjesë nga intervista

Tefta Malaj: Akuzat për tradhtinë bashkëshortore është hera e parë që i thotë.

Pyetje: Ju ka cituar për këtë tradhti dhe thotë se ju i keni kërkuar falje

Tefta Malaj: Falje të kërkoi ai për atë që ka bërë dhe jo unë.

Pyetje: Një javë më parë jeni zënë ?

Tefta Malaj: Po

Pyetje: A është larguar nga banesa

Tefta Malaj: Po

Pyetje: Përse u kthyet prapë?

Tefta Malaj: Duke menduar se do të ndryshonte

Pyetje: Ka pasur probleme të shëndetit mendor është kuruar ?

Tefta Malaj: I kam thënë të kurohej

Pyetje: E njihnit italianin?

Tefta Malaj: Ai ka shtëpinë atje. E njihnim i gjithë të tjerët.

Pyetje: Nuk është e vërtetë që punonte te biznesi i tij?

Tefta Malaj: Jo punonte në furrë. Ne jemi në kat të parë.

Pyetje: E dëgjuat të fliste me dikë në telefon?

Tefta Malaj: Mund të ketë pasur bashkëpunëtor, sepse na qëllonte dhe i fliste dikujt dhe kam frikë se djali im është i rrezikuar . E shikoja, kam se kishte një bashkëpunëtor tjetër…

Pyetje: Të ka dhunuar herë tjetër?

Tefta Malaj: Ka qenë momenti që ka marrë thikën, kam qenë me djalin e vogël në krah.

Pyetje: E keni denoncuar?

Tefta Malaj: Jo, se kam bërë për fëmijët

Pyetje: Ka pasur akuza për tradhti më përpara?

Tefta Malaj: Jo, asnjëherë. Asnjëherë nuk ishte shprehur për tradhti

Pyetje: Familjarët e dinit që kishit probleme?

Tefta Malaj: Jo

Pyetje: Atë natë keni telefonuar familjarët, mamin?

Tefta Malaj: Po

Arena e Lajmit