“Ju vë në rresht Rama”, Koreshi gjen zgjidhjen për kompensim të pagës së deputetit: Do të gjejmë punë të dytë, në piceri e lavapjatë

Ndërsa Kuvendi po bëhet gati për të votuar për miratimin e projektligjit për rritjen e pagës për deputetët dhe ministrat, Saimir Koreshi vjen me një zgjidhje…

Duke kërkuar që të mos bëhet populizëm, deputeti i PD tha se për të kompensuar pagën, të hiqet ndalimi kushtetues dhe deputetët të gjejnë një punë të dytë.

“Mos bëni populizëm, ‘po të doni unë jam dakord me kryeministrin’. E shkelim dot rregulloren që do fusim amendament në këtë pjesë? Heqim dhe dhe ndalimin kushtetues që të venë deputetët të gjejnë punë të dytë, të bëjmë naj piceri a lavapjatë”, tha ai.