Maget Gueje ishte një nga surprizat e pakëndshme për Zoran Zekiçin vetëm një ditë para ndeshjes me Atletik Eskaldes. Mesfushori në pjesën e parë të seancës pësoi një dëmtim muskulor, që e detyroi të lërë stërvitjen.
Ky ishte një lajm i keq për trajnerin, pasi burime për gazetën bëjnë me dije se Maget ishte programuar si titullar në sfidën ndaj Atletik Eskaldes. Gjelbrim Taipi do të niste ndeshjen nga stoli, duke u aktivizuar në pjesën e dytë, për shkak se 30-vjeçari ende nuk ka arritur formën maksimale, pasi siç e tha edhe Zekiç, është bashkuar më vonë se të tjerët në skuadër.
Sa i përket Magetit, senegalezi mbetet në dyshim edhe për sfidën e ardhshme ndaj Valmierës. I riu do t’u nënshtrohet sot ekzaminimeve të hollësishme dhe më pas në vazhdim do të mbetet për t’u parë nëse do të mund t’ia dalë të rikuperohet për Valmierën.
E shkuara ka treguar se për dëmtimet muskulore nevojitet më shumë se një javë, çka do të thotë se Zekiç do të duhet të bëjë pa të në Letoni.
and then