Ra në kontakt me energjinë teksa punonte në lavazh, ndërron jetë 15-vjeçari në Dimal

Një 15-vjeçar ka gjetur vdekjen ne një lavazh. Minoreni ishte punëtor dhe e ka zënë korrenti.

Ngjarja ndodhi në Dimal. Lajmi konfirmohet për nga gazetarja Eneida Petova.

NJOFTIMI I POLICISE
Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale “Shkelja e rregullave të mbrojtjes në punë”.

Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën.

Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar përgjegjësinë penale të shtetasit A. H.