“Dëmi i krijuar nga PPP, shumë i madh”, Tritan Shehu: Janë krijuar monopole private të financuara nga shteti. Check up, darovitje për…

Deputeti i Partisë Demokratike, Tritan Shehu, në një komunikim për rubrikën “Opinion”, në News24, foli për koncesionin e sterilizimit.

Shehu u shpreh se ka qenë ndër të parët që ka ngritur çështjen e PP-së, duke filluar nga check up, te sterilizimi dhe laboratorët, ku shtoi se dëmet e krijuara janë shumë të mëdha. Më tej, deputeti i PD-së, tha se janë krijuar monopole private të financuara nga shtetit.

Sakaq ai u ndal te check up, ku tha se është krijuar për të darovitur një grup njerëzish me para.

“Përtej modestisë jam i pari që kam ngritur çështjen e PPP-ve, duke filluar nga check up, te sterilizimi dhe laboratorët. Shoh se ka një ndërhyrje nga institucionet për të goditur ato çka ka ndodhur me sterilizimin që e kanë çuar situatën alarmante dhe kanë tërhequr vëmendjen e opinionit publik dhe institucioneve përkatëse. Këto veprime, reagime janë shumë të vonuara. Fatkeqësisht nuk patëm asnjë mbështetje jo vetëm nga organet e drejtësisë por edhe nga opinion publik. Sistemi shëndetësor i Shqipërisë është më i dobëti, antisociali në Evropë ku kryeson parulla “O paguaj o vdis!”.

Dëmi i krijuar është shumë i madh, jo vetëm financiarisht por edhe në menaxhimin e ndërtimin e sistemit shëndetësor shqiptar. Marrim check up, çfarë ka prodhuar? Asgjë! Vetëm një grusht njerëzish bëjnë chek up-in. Chek up është krijuar për të darovitur një grup njerëzish me para.”, u shpreh Shehu.

()