Nga dhuna në familje, drejtim mjeti në gjendje të dehur, te kultivimi i lëndëve narkotike, 4 të arrestuar në Fier

Policia e Fierit ka arrestuar katër persona, për akuza të ndryshme penale.

Uniformat blu bëjnë me dije se në pranga kanë rënë shtetasit me iniciale:

– B. Sh., 28 vjeç, banues në Lushnjë, pasi është kapur duke drejtuar automjetin, në gjendje të dehur.

– M. M., 37 vjeç, banues në Patos, pasi ka ushtruar dhunë ndaj bashkëshortes së tij.

-D. B., 28 vjeç, banues në Lushnjë, pasi dyshohet se ka kanosur nënën e tij, e cila ishte e pajisur me urdhër mbrojtjeje.

-A. D., 50 vjeç, pasi në banesën e tij në fshatin Muçias, Divjakë, kishte kultivuar 8 bimë narkotike cannabis sativa.

Njoftimi i policisë

DVP Fier/Vihen në pranga 4 shtetas dhe procedohet në gjendje të lirë 1 tjetër, për vepra të ndryshme penale.

Specialistët e Sektorit të Qarkullimit Rrugor të DVP Fier arrestuan në flagrancë shtetasin B. Sh., 28 vjeç, banues në Lushnjë, pasi është kapur duke drejtuar automjetin, në gjendje të dehur.

Specialistët për Hetimin e Krimeve të Komisariatit të Policisë Fier arrestuan në flagrancë shtetasin M. M., 37 vjeç, banues në Patos, pasi ka ushtruar dhunë ndaj bashkëshortes së tij.

Po këta specialistë referuan materialet në Prokurori ku nisi procedimi në gjendje të lirë për shtetasin E. K., 54 vjeç, banues në Fier, pasi dyshohet se ka ushtruar dhunë ndaj fëmijës së mitur të fqinjëve të tij.

Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin D. B., 28 vjeç, banues në Lushnjë, pasi dyshohet se ka kanosur nënën e tij, e cila ishte e pajisur me urdhër mbrojtjeje.

Specialistët për Hetimin e Krimeve të Komisariatit të Policisë Divjakë arrestuan në flagrancë shtetasin A. D., 50 vjeç, pasi në banesën e tij në fshatin Muçias, Divjakë, kishte kultivuar 8 bimë narkotike cannabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.