Gara për një vend në Europë është ndoshta ajo që ndez më shumë futbollin shqiptar në javët e fundit të sezonit, edhe mes tifozëve të cilët e dinë se aventura europiane mund të sjellë në arkat e klubeve të tyre të ardhura të rëndësishme.
Pikërisht me pyetjen se cilat ishin skuadrat që do të siguronin Europën, përveç Tiranës, është krijuar sondazhi i “Panorama Sport” i cili ka marrë përgjigje nga lexuesit me disa rezultate mjaft interesante.
Mes alternativave, Laçi ka marrë 30,05% të votave, duke qenë alternativa më e zgjedhur mes lexuesve. Pas saj, diferencat janë me të vërtetë të vogla. Në vendin e dytë ishte Kukësi me 22,59% i ndjekur nga Partizani me 21,43%. Vllaznia, e cila aktualisht mban vendin e tretë në renditje dhe në teori është në zonën e Europës, ka 21,43% të votave në këtë sondazh. Ndërkohë, Kastrioti i cili për një periudhë të shkurtër u duk se mund të bëhej pjesëmarrës, ka siguruar 6,25% të votave.
Tashmë ju mund të votoni më poshtë, ose në faqen e internetit të “Panorama Sport” në sondazhin e radhës për atë që mendoni se do të jetë fituesi i Kupës së Shqipërisë në këtë edicion.