“Djajtë e kuq” përjetojnë “ferrin” brenda në “Old Trafford”. Hojlund i vetëm nuk mjafton, nuk ka vlerë “dopieta” e tij pasi Onana vijon me gafa pafund. Man.United pësoi një humbje të rendë 2-3 nga Galatasaray, zero pikë në 2 dy ndeshje, vendi i fundit në Grupin A. Sulmuesi danez kaloi United në avantazh në minutën e 17-të, i shërbyer në mënyrë perfekte nga Rashord, por turqit u rikthyen shpejt në lojë teksa Zaha barazoi shifrat në minutën e 23-të.
Në pjesën e dytë, ishte sërish Hojlund që me një aksion të bukur riktheu “djajtë” në avantazh. Festa nuk zgjati shumë pasi në minutën e 71-të, United u ça në qendër duke pësuar golin e dytë. Një gafë e pabesueshme e Onana-s detyroi Casemiro-n të shkaktojë penallti duke lënë United me dhjetë lojtarë. Sakrifica e brazilianit duket se ia vlejti pasi Mauro Icarid gaboi nga pika e bardhë e penalltisë.
Sulmuesi argjentinas bëri autokritike menjëherë ku përfitoi nga një keq vendosje e mbrojtjes së United dhe me një parabël të ëmbël mposhti Onana-n duke i dhuruar Galatasary një fitore te madhe, të paparashikuar.
Në përfundim të sfidës, tifozët e United vërshëllyen ekipit, por trajneri Ten Hag e sheh gotën gjysmë plot: “I kuptoj tifozët, ata kanë të drejtë pasi presin përgjegjësi nga ekipi. Ky është një moment i vështirë pasi nuk po marrim rezultate, është normale që tifozët të jenë të zhgënjyer, por unë pashë në fushë një ekip me shpirt të madh, një ekip që u ndoq nga tifozët nga fillimi në fund”, u shpreh Ten Hag pas ndeshjes.
()
and then