“Ka tre vite që ka përfunduar kontrata”, bashkia Shkodër kërkon të marrë në administrim Kinema Millenium, debat me qiramarrësin aktual

Bashkia Shkodër është duke marrë në administrim Kinema Millenium duke qenë se kontrata e qirasë me qiramarrësin ka tre vite që ka përfunduar.

Shtetasi që e administronte deri më tani kundërshton këtë vendim të bashkisë Shkodër. Bashkia Shkodër bën të ditur se ka tre vite që ka përfunduar kontrata e qirasë dhe godina është pronë e bashkisë.

Administratori i deritanishëm kërkon që bashkia t’i drejtohet gjykatës por inspektoret e policisë bashkiake janë duke zbatuar urdhrin për inventarizimin e Kinemasë dhe më pas lirimin e mjediseve nga personat që e administronin deri më tani.