Chaney Jones dhe Kanye West nuk janë ndarë. Ditën e djeshme mediat u pushtuan nga lajmi se dyshja i kanë dhënë fund romancës së tyre.
Reperi feston sot ditëlindjen dhe Chaney i ka bërë një urim publik. Ajo ka shpërndarë një video me të në Instastory duke shkruar: “Gëzuar ditëlindjen zemër”.
Chaney nxiti thashethemet se ajo dhe Kanye janë ndarë duke e hequr çdo foto me të nga Instagram. Deri ditën e djeshme ajo kishte foto të shumta me West gjatë lidhjes së tyre në këtë rrjet social, por papritur ato u zhdukën. Kjo lëvizje erdhi pasi në media po raportohet se Yeezy ka filluar të takohet me modelen Monica Corgan, me të cilën u fotografua duke parë “Top Gun: Maverick”.
Një burim nga ana e West ka thënë për ‘Page Six’ se marrëdhënia e reperit dhe Jones u bë “e paqëndrueshme” pas udhëtimit të tyre në Tokio në maj, por pranoi sjelljen e çrregullt të West, duke thënë: “Ju e dini se si janë gjërat. Nesër ata mund të postohen sërish bashkë.”
Fituesi i ‘Grammy’ dhe modelja fillimisht krijuan thashethemet për romancë në shkurt, dhe më vonë ajo konfirmoi lidhjen e tyre duke postuar foto në rrjetet sociale nga një “Date Night”. Romanca e tyre erdhi pas lidhjes së tij me yllin e “Uncut Gems”, Julia Fox, e cila përfundoi në shkurt.
and then